The Pidgin English Translation of GENESIS 3:1-24 (the fall of man)

  1. Now, the big snake dey konikoni pass any big animal wey get four leg inside field, wey God make. In tell the woman, yes, Shey God don talk say, make you no chop for all the trees wey dey inside garden?
  2. The woman con answer the snake; ‘we fit chop for the fruit way dey inside the garden.
  3. But the one wey dey for the centre of the garden, God don talk, “make you no chop am o, no even take hand touch am, make you no go kpeme.
  4. The big snake con tell the woman, “you no go kpeme.
  5. God sef know say the day wey you go chop inside, na that time your eyes go clear, you go con be like gods, you go sabi beta and things wey no good.
  6. When she con see say the tree beta for chop, e dey shine for eyes and fit make pesin get sense. She take am chop, give her husband and in sef chop am.
  7. Their eyes con clear, den con sabi, say na ordinary body without clothe dem dey carry waka; den use fig-leaf: leaf wey big, take do clothe wey go cover the front of their body.
  8. Den con hear God voice, In dey waka inside the Garden, as everywhere cooleh; Adam and in wife con hide inside tree, for the garden, make God no see dem.
  9. God con call Adam, Adam, where you dey?
  10. Adam con answer, “I hear your voice for inside garden, fear catch me, because I no wear clothe, I con hide
  11. God talk, “who tell you say you no wear clothe? You don chop inside that tree, the one wey I say make you no chop?
  12. The man answer God, “na the woman wey you give me o, she give me fruit from the tree, I con chop am.
  13. God con talk to the woman, “wetin be this wey you don do? She con say, “na the snake o, in play me wayo (kuni kuni), I con chop am.
  14. God con tell the big snake; because of this thing wey you do; your curse go pass malu and all the big animals wey dey field own, na your bele you go take dey waka and na dust you go dey chop till you kpeme.
  15. I go make you hate the woman, she sef go hate you, her pikin go wound your head and you go wound in leg for back.
  16. Woman; ” I go increase the things wey no dey make you happy, and when you won born; when you dey born pikin, you no go happy, wetin you want go dey with your husband, and in go control you.
  17. God con tell Adam, “because you don answer your wife, chop that fruit, wey I say make una no chop; the ground don collect curse because of you, you no go happy as you dey chop from am, till you kpeme.”
  18. Na chu-ku-chu-ku tree the ground go dey bring for you. Na the leaves wey dey the field, you go chop
  19. “Na sweat you go dey sweat as you dey chop bread, till you kpeme. na inside ground I make you, na dust you be, and na dust you go take go back.
  20. Adam con call in wife, “Eve”, because na she be the mama of all the things wey get life.
  21. God con do clothe for Adam and in wife
  22. God con talk say, “see, man don be like us, in don sabi beta and thngs wey no good. Make in no go chop that tree of life again o, because if in chop am, in no go kpeme again again.
  23. God con pursue am commot for garden of Eden, make in go farm from the ground wey God take make am.
  24. God pursue the man: In come put cherubims for the eastside of the garden, and sword wey get fire, make anybody no fit enter where the tree of life dey. 🙂
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s